Santurtzin «gehiengo alternatibo» bat osatzeko aukera ikusten du EH Bilduk
Karmele Tubillaren (EAJ) dimisioaren ostean, Santurtziko Udalean «gehiengo alternatibo» bat osatzeko abangunea badagoela babestu du EH Bilduko Iker Casanovak Bilbon egindako agerraldian. Horrek, bere hitzetan, «udaletxeko leihoak irekitzea» ahalbidetuko luke.
Bizkaiko EH Bilduko bozeramaile Iker Casanovak uste du Santurtziko Udalean «gehiengo alternatibo» bat osatzeko aukerak daudela eta hiriburuetatik negoziatzen diren akordio «integralak» saihesteko eskatu du.
«Aspalditik aliantza politika naturalago baten alde egiten ari gara, mamian eta alderdi etiketetan gutxiago oinarrituta», adierazi du, eta gaineratu du Santurtziko Udal taldeak izango direla balizko akordioren arduradunak.
Bilbon egindako prentsaurreko batean, eskualdeko koalizio buruak Karmele Tubilla (EAJ) alkatearen dimisioak sortutako egoera jorratu du, orduko Segurtasun Zinegotzia azaroan kaleratu ondoren, tokiko poliziaren kontratazio azterketan izandako balizko filtrazioaren eraginez.
Azken udal hauteskudeetan zazpi eserleku lortuta, EAJk gobernatzen du egun Santurtzin, baina gertutik du EH Bildu, sei zinegotzirekin, eta PSEk bost ditu. Elkarrekin Podemosen bi ordezkariek eta PPko bakarrak osatzen dute udal taldea.
Alde horretatik, Casanovak ohartarazi du Santurtzin gertatutakoa ez dela gertakari isolatu bat, baizik eta EAJren «gobernantza eta administrazio publikoa ulertzeko eredu» baten amaiera, gutxiengoan gobernatzen duen alderdi batena alegia.
Erakundeen «patrimonializatzea» eta «boterea» banatzeko akordioak bilatu izana kritikatu ondoren, kritiko agertu da «kromo trukea» izendatu duenarekin.
Gauzak hala, EH Bilduk alkatetzarako hautagai bat aurkeztea defendatu du, horrek «udaletxeko leihoak irekitzea» ahalbidetuko bailuke.
Bizitzaren garestitzea
Casanovak diru-bilketa eta bizitzaren garestitzea ere mintzagai izan ditu agerraldian. Aipatu duenez, zergen gehiengoa herritarrengan jauzten dela kontuan izanda, «premiazkoa da erreforma fiskal integral bat artikulatzea jendearen bizi-kalitatea hobetzera bideratutako politika publikoak antolatzeko tresna» izango dena.
«Bizitzaren garestitzea euskal herritarren arazo nagusienetako bat da eta gure lehentasuna herritarrei bizitzaren garapenean segurtasuna bermatzea eta ematea da, maila eta arlo guztietan», zehaztu dute EH Bildutik eta, hortaz, bizitzaren garestitzeari aurre egingo dioten proposamenak eta neurriak aktibatua behar direla irizten dute, «horrek eragiten baitu gero eta hedatuago dagoen ziurgabetasun falta partekatu hori».
«Etxebizitzaz ari gara, oinarrizko eskubide hau bermatzeko politikak artikulatzeaz, prezioen igoerari topea jarriz eta alokairuen prezioa mugatuz», egin dute zehaztapena, eta lan eskubideak bermatzea ere ezinbestekotzat jo dute, «lurraldeko egoera sozioekonomikora egokitutako gutxieneko soldata propio bat» aldarrikatuz, baita kalitatezko zerbitzu publikoak bermatzea ere.