Juan Luis Mugertza Unanue

Basahatearen pata

Ez dakit zer dela eta, aukeratuko zuten Berango bizi izateko, baina beste asko ez bezala, guztiz integratuta daude. Botoa ematea baino ez dute falta. Etorri berritan bizimodua errekatxo bazterretan egin ohi bazuten ere, gaur egun, gero eta errazagoa da Sabino Arana kalean ikustea, bertakoekin batera, tabernen kanpoaldean ez bada, kiosko inguruan. Izan ere, sasoi honetan, bereziki, bizirauteko, eta familia aurrera ateratzeko, janaria eskatzeko leku hobea dute, nahiz eta jakin, emandako dietak mesede baino kalte egiten dien, eta trafikoa handia den. Halarik ere, laster, Korrika pasatuko da bertatik, eta aukera hori aprobetxa dezake kale bazterreko jardineran sei arrautzak egindakoak, jende andanaren euskarazko oihuak entzutean, baten batek sartutako hanka, «No molestéis a la pata. Gracias», euskaraz idazteko, eta umeek, aitona-amamarekin daudela, ahate hitza erabiltzeko, eta ez «pata».

Search