Errenteriako Jantziaren Zentroak ‘Gaua filmeko jantzi liluragarriak Nerea Torrijosen eskutik’ izeneko erakusketarekin abiatu du 2026ko programazioa. Urtarrilak 10ean zabalduko ditu ateak eta martxoaren 22ra arte egongo da ikusgai.

Erakusketak Nerea Torrijos zinemako jantzi diseinatzailea eta bere lana ezagutzeko helburua dauka eta Kapitain-etxeko ateak gurutzatu ahala, Paul Urkijo zinema zuzendari gasteiztarraren ‘Gaua’ (2025) film barruan sartuko gara. Sarrera doan da eta ordutegia hau da: larunbatetan 11.00-14.00/17.00-20.00 eta igande eta jai egunetan,  11.00/14.00etara.