Serifalaris diseinu eta kultura bisualaren jaialdia Getxoko Muxikebarri Arte, Kultura eta Kongresu Zentrora itzuliko da ostegun eta ostiral honetan (maiatzak 9 eta 10), 11. edizioa ospatzeko. Peio Atxalandabaso eta Marina Goñi –Freskue eta Estudio Marina Goñi estudiokoak– sortzaileen zuzendaritzapean antolatu da.

«Edizio honetako kartelak Litle Spain modako ekoiztetxearen parte hartzea hartuko du, C. Tangana artistaren Esta ambición desmedida dokumentala egiteagatik ezaguna (maiatzaren 10ean, ostirala, 10:00etan), baita Annie Atkinsen hitzaldi bat ere, zinemarako eta telebistarako diseinu grafikoaren ahots nabarmenetakoa, Grand Budapest Hotel, Indiana Jones edo Bridge of spies filmetan egindako lanagatik ezaguna eta Wes Anderson zinemagilearen ohiko kolaboratzailea (maiatzaren 9an, osteguna, 13:00etan). Patrick Thomas ingelesak, The New York Times egunkariko liburu eta iritzi artikuluen aipamenen ilustratzaileak, emango dio amaiera aurtengo edizioari, maiatzaren 10ean, ostirala, 19:00etan. Besteak beste, Brosmind, Sander Plug, Fuego camina conmigo, Paula de Álvaro, Manuel Moranta edo Izaskun Chinchilla izango dira sektoreko erreferentziazko izenak. Tokiko izenak ere izango dira, hala nola Ane Guerra, Hey Studioren ekimena den Women at work podcasteko kidea, sormenaren esparruan eta lidergoan emakumeak motibatzea helburu duena, edo ISEO abeslaria», iragarri dute.

Hitzaldiez gain, bertaratzen direnek diseinu azokaz gozatu ahal izango dute. «Liburuak, posterrak, objektuak eta arropa eskuratzeko, Getxoko jaialdiko ezusteko hizlariekin eta bestelako xehetasunekin dibertitzeko, bai eta serifadun letren forma duten pasta klasikoak dastatzeko aukera izango da. Algortako Kasinoko agur festarekin amaituko dugu. Xehetasun hauek Serifalarisen bereizgarri bihurtu dira, hurbileko, familiako eta kalitate goreneko topaketan, bai hizlarien mailagatik, bai jaialdiaren mimo eta gustu onagatik, eta, zalantzarik gabe, sektorearentzako ezinbesteko hitzordu gisa finkatzea ahalbidetu duena», gaineratu dute.

Serifalarisen komunitatea haziz doa. «600 partehartzaile baino gehiago bildu ziren aurreko edizioan», nabarmendu dute. Oraindik badago sarreraren bat webgunean. Bi egunetako packaren prezioa 85 eurokoa da eta 48 eurokoa egun solte bakoitzeko.