Frankismoak gure hiriko hormetan utzitako ikur eta arrastoen gaineko iritziak bildu eta ‘Plus Ultra, frankismoaren arrastoak’ dokumentala ekoiztu du Zenska Produkzioak. Bilbo da dokumentalaren agertoki nagusia, eta, zehazki, Espainiako Ogasunak Plaza Biribilean okupatzen duen eraikinean ageri den armarri deigarria da protagonista nagusiena.

Izaskun Gutierrez eta Ainhoa Bayano aritu dira errealizazio eta produkzio lanetan; Oihane Garcia, aldiz, zuzendari aritu da Zenska Produkzioak-en lehen dokumental honetan.

Frankismoaren itzalak estaltzeko ekimenak ugariak dira han eta hemen. Zorrotza.info web gunean, adibidez, orain gutxi Gazte Komunistek egindako ekintza ikusi dugu.