LEHENENGO ERA
Osagaiak 4 lagunentzat
250 g-ko 4 legatz xerra, tipula bat, baratxuri ale bat, 100 g ganba, 200 g perretxiko, piper berde bat, piper gorri erdia, olioa, gatza.
Zailtasuna 2
1. Eltze batean zerrendatan moztutako tipula olio pixka batekin erregosi, su eztitan.
2. Piperrak, baratxuria eta perretxikoak garbitu eta zerrenda finetan moztu. Tipulari gehitu eta erregosi.
3. Ganbak zuritu eta osorik utzi.
4. Azpil batean legatz xerrak jarri eta gatza bota. Gainetik ganbak eta barazkiak bota.
5. Labe beroan sartu, 190ºC-an, 8-10 minutuz.
BIGARREN ERA
Osagaiak 4 lagunentzat
250 g-ko 4 legatz xerra, 4 baratxuri ale, 250 g perretxiko, piper gorri bat, olioa, gatza.
Zailtasuna 2
1. Eltze batean zerrendatan moz-tutako bi baratxuria olio pixka batekin erregosi, su eztitan.
2. Perretxikoak eta piperra garbitu eta tiratan moztu. Baratxuriekin batera jarri eta erregosi.
3. Azpil batean barazkiak jarri eta gainean legatz xerrak. Gatza bota.
4. Geratzen diren baratxuriak txikitu eta olio zurrusta batekin erregosi. Baratxuriak igotzen hasten direnean legatzaren gainetik bota.
5. Labe beroan sartu, 190ºC-an, 8-10 minutuz.
Elkar argitaletxeak Hertzainaken errepertorioa baimenik gabe ustiatu zuela ebatzi du epaitegiak
Osakidetza ha administrado vacunas caducadas a 253 personas, la mayoría bebés
El ‘Reloj del Juicio Final’ marca 85 segundos, más cerca que nunca del fin del mundo
Osakidetza anuncia un paquete de medidas para agilizar la Atención Primaria
