LEHENENGO ERA
Osagaiak 4 lagunentzat
200 g-ko 4 izokin xerra, 300 g sagar, koilarakada bat ziape, koilarakada bat ezti,  250 ml salda, 150 g arroz, tipulina bat, olioa, gatza.
Zailtasuna                          2               

1. Zuritu sagarrak eta zatitu. Eltze batean olio pixka batekin  arin erregosi.
2. Salda, eztia eta ziapea gehitu eta 5 minutuz egosi. Irabiagailuarekin nahasi.
3. Arroza 20 minutuz egosi eta xukatu.
4. Txikitutako tipulina olio pixka batekin erregosi. Arroza gehitu eta arin erregosi.
5. Plantxa bat olio pixka batekin berotu eta izokina erre.
Plateretan purea jarri, eta gainean izokina. Arrozarekin lagundu.

BIGARREN ERA
Osagaiak 4 lagunentzat
200 g-ko 4 izokin xerra, 300 g sagar, 200 g tomate, 12 otarrainxka, oreganoa, Modena ozpina, olioa, gatza.

Zailtasuna                              2

1. Tomateei azala eta haziak kendu eta txikitu. Sagarra zuritu eta dado txikitan moztu.
2. Zartagin batean sagarra olio pixka batekin erregosi. Tomatea gehitu eta erregosi, su oso eztitan. Ozpin tanta batzuk eta gatza eta oreganoa bota.
3. Otarrainxkak zuritu eta buztana eta burua ez kendu. Plantxa batean olio pixka batekin erre.
4. Plantxa bat olio pixka batekin berotu eta izokin xerrak erre.
Plateretan tomatea jarri, eta gainean izokina eta otarrainxkak.