LEHENENGO ERA
Osagaiak 4 lagunentzat
20 barrengorri handi. Betegarria: baratxuri ale bat, 250 g patata, 100 g urdaiazpiko ondu, olioa, gatza, perrexila.

Zailtasuna                        2               

1. Barrengorriak ondo garbitu eta hankak kendu eta txikitu. Azpil batean buruak jarri eta labe beroan sartu, 180 gradutan, 5 minutuz.
2. Patatak 20 minutuz egosi, zuritu eta sardexkarekin zapaldu.
3. Txikitutako baratxuriak erregosi. Txikitutako urdaiazpikoa eta barrengorrien hankak gehitu eta arin erregosi.
4. Patata urdaiazpikorekin nahastu eta txikitutako perrexila bota.
5. Barrengorriak aurreko nahasketarekin bete eta labe beroan sartu, 190 gradutan, 10-15 minutuz.

BIGARREN ERA
Osagaiak 4 lagunentzat
20 barrengorri handi. Betegarria: tipulina bat, 3 baratxuri ale, 100 g urdaiazpiko ondu, koilarakada bat irin, 200 ml esne, olioa, gatza, perrexila.

Zailtasuna                       2               

1. Barrengorriak ondo garbitu eta hankak kendu eta txikitu. Azpil batean buruak jarri eta labean sartu, 180 gradutan, 15 minutuz.
2. Txikitutako tipulina eta baratxuriak olioarekin erregosi.
3. Txikitutako urdaiazpikoa eta  hankak gehitu eta erregosi.
4. Irina gehitu eta eragin. Esnea  apurka-apurka bota eta etengabe irabiatu. Eragin, etengabe, su eztitan hiru minutuz.
5. Barrengorriak aurreko nahasketarekin bete eta labe beroan sartu, 190 gradutan, 10 minutuz.