LEHENENGO ERA
Osagaiak 4 lagunentzat
300 g arroz, tipula laurdena, porru erdia, 2 baratxuri ale, tipulina bat, 100 ml tomate saltsa, koilarakada bat piperrauts, 4 galeper, olioa, gatza.

Zailtasuna                        2             

1. Garbitu galeperrak. Izterrak eta bularkiak kendu. 
2. Eltze batean olio pixka bat berotu eta galeperren gorputzak, tipula eta porrua gorritu. Urarekin estali eta ordu betez egosi. Xukatu eta bero mantendu.
3. Txikitutako tipulina eta baratxuriak olioarekin erregosi.
4. Izterrak eta zatitutako bularkiak gehitu eta arin erregosi. Arroza eta piperrautsa gehitu eta eragin.
5. Saldarekin busti eta etengabe irabiatu. Estali eta 18 minutuz egosten utzi. Gatza bota.
6. Sutatik kendu eta 3-5 minutuz pausatzen utzi.

BIGARREN ERA
Osagaiak 4 lagunentzat
300 g arroz, tipula laurdena, 2 baratxuri ale, 150 g shiitake,  4 galeper, salda, olioa, gatza.

Zailtasuna                     2

1. Salda aurreko errezetan esan dugun bezala prestatu.
2. Txikitutako tipula  eta baratxuriak olio pixka batekin arin erregosi. 
3. Zerrendatan moztutako shiitake gehitu eta arin erregosi.
4. Galeperrak  eta arroza gehitu eta eragin.
5. Saldarekin busti eta irabiatu. Estali eta 18 minutuz egosi.