Ehun urtetik gorako bizitzak

Bizitza eta historia interesgarrienak dituzten arbolak aurkitzea du xede –eta, bide batez, haiekiko babesa bultzatzea– Europako Urteko Zuhaitzaren lehiaketak. Behean, ezkerretik eskuinera, aurtengo triunbiratu irabazlea; «top»-ean, hau da, lehen sariarekin, Hungariako Pecs-eko elizaren aurreko almendrondoa (135 urte); bigarren, Errusiako Abramtsevoko haritza (248) eta hirugarren, Alentejoko (Portugal) belaunaldi dezente freskatu dituen Barbeiroko artea (150). Goian, ezkerretik eskuinera, finalera iritsi diren beste bi; Korsikako Ghisonaccia herriko artelatza (200-230 urte... eta ez al du hegazti bat ematen?) eta Kopcani (Eslovakia) herrixkako zelai galdu batean 235 urtean zutik dirauen ezki dotorea sartu ditugu.