Selfiak egiteko debekuak gero eta ohikoagoak dira leku turistikoetan. Izan ere, gaur egun selfien moda hilgarriagoa da marrazoen erasoak baino. 2022an ‘Journal of Travel Medicine’ aldizkarian argitaratutako ikerketa baten arabera, azken 13 urteetan 379 pertsona hil dira selfiekin lotutako istripuen ondorioz. Horien artean, 140 turistek tragikoki egin zuten azken argazkia. 

Orain dela gutxi, gondola bat irauli egin zen Venezian, turista talde batek selfia egiteari utzi eta esertzeari uko egin zionean. Istripua gertatu aurretik, gondolariak ez mugitzeko eskatu zion taldeari, bera zubi baxu baten azpian maniobra zaila egiten ari zen bitartean. Zorionez, ez zen inor zauritu.

Sare sozialetarako selfi perfektua lortzearren, jendeak arriskutan jartzen du bere burua, sarritan gertakari tragikoak eraginez: amildegietatik erorketak, auto eta trenekin istripuak, faunarekin topaketa arriskutsuak... Ondorioz, turistek isun eta kartzela zigorrak izan ditzakete selfiak ateratzeko egoera arriskutsuak probokatzen badituzte.

Urte bukaeran 24 urteko emakume bat hil zen Indiako Prabalgad gotorlekuaren ertzean selfi bat egiten saiatzen ari zela. 60 metroko amildegi batetik behera erori zen.

2023ko Frantziako Tourrean, handik igarotzen ziren txirrindulariekin selfi bat egiten saiatu zen ikusle batek txirrindulari estatubatuar baten eskulekua jo zuen, lasterketaren 15. etapan, 20 txirrindulariren norgehiagoka hankaz gora jarriz.

Iaz, Portofinok, Italiako iparraldean, aldi baterako debekatu zituen selfik hiriko zenbait gunetan, bertako kale estuetan masifikazioa saihesteko. Debekuak «anarkia-kaosa» bezala deskribatu zuen egoera, turistek trafikoa blokeatzen baitzuten argazkiak egiteko.

Bizitza arriskatzea argazki perfektuagatik

Sare sozialetarako argazki ezin hobea ateratzeak, askotan, jokabide arriskutsuak sortzen ditu. Like-ak eta ospea lortzeko gogoak bultzatuta, selfi arriskutsuek gero eta ospe handiagoa dute. Argazkirik onena bilatzeak segurtasun oharrei muzin egitera edo segurtasunik gabeko lekuetan ausartzera eraman ditzake pertsonak, zer gerta daitekeen kontutan izan gabe.

2008 eta 2021 bitartean selfiekin lotuta mundu osoan gertatu ziren 379 heriotzetatik %37,2 bidaiarienak ziren, eta ez bertakoenak. Altueratik eroritakoak heriotza guztien %49,9 izan ziren; ondoren, garraioarekin lotutakoak (%28,4) eta, azkenik, itotzeekin (%15,3). Selfien biktimen batez besteko adina 24,4 urtekoa izan zen.