Munduan Pasieran

Siekopai, lurrik gabeko herri koloretsua

Siekopai nazioan, Lagartocochako Amazoniako eskualdean, «kolore anitzeko herria» deitzen diote beren buruari, gorputz pintura deigarriagatik eta antzina Amazonasko oihanaren bihotzean eraman ohi zituzten apaingarriengatik. Irudian, Siekopai neska indigena bat makillatzen ari da komunitatearen bigarren bilera nazionalean. Amazoniako Siekopai herria lekuz aldatu zuten gerra, merkataritza eta kultura intrusioen ondorioz, eta Ekuadorko eta Peruko mugaren arteko herrixken artean sakabanatuta bizi da, petrolio zelaiez, palmondo landaketez eta errepide sareaz inguratutako landa herrietan, noizbehinka lan gogorrak eginez. Kultur iraungipenaren atarian, Siekopai liderrek diote bizirik iraute kontua dela beren antzinako lurra eskatzea. «Gure amets nagusia gure lurraldea berreraikitzea da, gure nazioa, gure familiak ibai hauetan biltzea. Ur horietan gure aitonak aipatzen zizkidan espirituekin bizitzea», dio Justino Piaguaje buruzagi komunitarioak. PEDRO PARDO