Zubi bat eraitsi zen atzo Norvegia hegoaldean eta auto bat eta kamioi bat ibaira jausi ziren. Azken urteetan hondamen dezente larriagoak gertatu dira; esaterako, 2017an Genovako Morandi zubia erori zen; 2019an, Taiwango Nanfang'ao zubia; 2021ean, Mexiko Hiriko metroko biaduktua, eta aurten, Pittsburgheko Fern Hollow zubia. Gertaera horiek argi uzten dute azpiegiturak eraikitzea ez dela nahikoa, horiek baldintza egokietan mantendu ere egin behar direla. Eta aurrekontu-murrizketek ez dute horretan laguntzen.