Parisko Sciences Po Ikasketa Politikoetako Institutuaren aurrean Palestinaren aldeko elkarretaratze jendetsuak izan dira egunotan. Herenegun, Poliziak ikasleek okupatutako institutuaren eraikin bat hustu zuen, eta ikasleek atzo beste bat okupatu zuten. Tsedek! kolektibo judu dekolonialak ere mobilizazioetan parte hartu du. Nous Vivrons talde sionistako kideek kontrako mobilizazioa egin zuten han bertan, eta Poliziak bi taldeak banatu zituen. Errepublikan sionismoa sendoa bada ere, Palestinaren aldeko mobilizazioak indartzen ari dira.