Emakumeen Birak bigarren jardunaldiari ekingo dio gaur Lekeition hasi eta amaituko den etaparekin. Atzoko jardunaldia baino zertxobait gogorragoa izango da gaurkoa. 98 kilometrotan zehar Miloi (hirugarren maila) eta Lekoitzeko (bigarren maila) gainak izango dituzte aurretik.

Atsedenik gabeko ibilbidea da gaurkoa, gorabeheratsua erabat, eta sailkapen nagusian diferentziak sortzen hasteko aproposa. Faboritoen taldeko indartsuenen artean indarrak neurtzen hasteko jardunaldia da gaurkoa.

Atzokoan Ina-Yoko Teunteberg alemaniarra gailendu zen Emakumeen Birako lehen etapan.