Ohar baten bitartez Zabaletak adierazi duenez, «Alderdien Legearekiko gure desadostasunetik, eskubide politikoak bestelako baldintzen edota inputazo ideologikoen menpe jartzen dituen heinean, eskubide horiek absolutu gisa hartu behar direnean, agertu behar dugu Sorturen legalizazioa ekarpen baikorra dela normalizazioarentzat eta bakearentzat».

Dena dela, Zabaletak gogoratu du oraindik badaudela legez kanpokoak diren alderdiak, eta haien egoera berraztertzeko eskatu du.

«Hala ere, bakebidea atzeraezina dela eta borroka armatuaren etena behin betikoa dela sinetsita, Sorturen legalizazioak behartzen gaitu helburu berriak ezartzera biktimen, presoen edota elkarbizitzaren esparruetan», azpimarratu du.