Boliviako Futbol Federazioko presidente Carlos Chavezek prentsaurrean iragarri du Xabier Azkargorta aho batez hautatu dutela selekzioko entrenatzaile izateko. Gustavo Quinterosi hartuko dio lekukoa.

Azkargortak, bere aldetik «pozik» dagoela aitortu du eta aukera baliatuko du herrialdeak eman dion guztiaren «zati bat itzulzeko bederen».

«Ohorea da Boliviako futbol selekzioko entrenatzaile izatea, baina hau guztion lana da. Denok parte hartu behar dugu lan eskerga honetan», esan du.

Bolivian ‘El Bigoton’ bezala ezagutzen den entrenatzaileak 1993an zuzendu zuen Bolivia eta 1994an AEBetan jokatutako Munduko Txapelketarako sailkatu zuen taldea.