Jose Mari Korta Adegiko presidente ohiaren omenaldian izango dela aurreratu du Martin Garitano Gipuzkoako diputatu nagusiak. Ekimena Zumaian izango da, eguardiko 12.00etan, bere omenez jarri zuten monolitoan.

Orain dela hamabi urte hil zen ETAk jarritako lehergailu baten ondorioz. Omenaldia Joxemari Kortaren Bidetik Fundazioak antolatu du.

Aurreko urtean Pello Urizar, Ikerne Badiola eta Marina Bidasorok hartu zuten parte ekitaldian. Lehena Eusko Alkartasunako idazkari nagusi moduan joan zen, beste biak, aldiz, Bilduren izenean. Garitano ez zen bertan izan.

Gaurkoan, baina, ez du adierazpenik egingo, «familiarekiko errespetuagatik».