Osasunak beste jardunaldi bat gehiago itxaron beharko du lehen garaipena ospatzeko. Eskura izan ditu hiru puntuak Mallorcaren aurka. Caparrosen taldeak baino gehiago egin du garaipena eskuratzeko, aukera gehiago izan ditu, baina markagailuan aurreratzea lortu duenean ezin izan dute emaitza defendatu.

Mallorca berdinketaren bila atera da Sadarrera eta ahalik eta partida trabatuena egitera. Osasunari asko kostatu zaio zuloak irekitzea Kike Solak 70. minutuan gola egin duen arte.

Hala ere, Hemed israeldarrak berdinketa ezarri du 78. minutuan eta iruñearren ospakizunak zapuztu ditu.