Bart goizaldeko 02.30ak aldera higiezin enpresa baten bulegoari eraso egin diote Basusarrin, ‘Sud Ouest’ hedabideak adierazi duenaren arabera.

Ez da suterik piztu eta kalte materialak txikiak izan dira. Bulegoaren fatxadan «Euskal Herria ez dago salgai» leloa agertu da, euskaraz eta frantsesez idatzirik.

Christian le Clezio higiezin enpresaren jabeak harridura agertu du erasoaren ostean, aipatu hedabideak adierazi duenez. «Ez dut ulertzen zergatik erasotzen dioten agentziari eta ez notario edo banketxeei, gu bitartekari soilak gara», aipatu du.

Ikerketa abiatu du Parisko auzitegiaren sekzio antiterroristak.