Herrira mugimenduak eta Topatu.info-k aurreratu duten moduan, kalean da jada Imanol Gonzalez Pardo Karrantzako gaztea, 30.000 euroko bermea ordainduta.

Iragan irailaren 18an atxilotu zuen Ertzaintzak, bizileku duen Balmasedan martxoaren 29ko greba orokorrean autobus batean lehergailu bat jartzea egotzita. Egun batzuk beranduago, haren espetxeratzea agindu zuen epaileak.

Ertzaintzak Gonzalez atzeman zuen egunean bertan, ezker abertzaleko ordezkaritza zabal batek agerraldia egin zuen, haren atxiloketa «politikoa» izan zela salatzeko, «heltzear zen gazte ekimena indargabetzeko helburua zuena».