Korrika 18 Arnegitik heldu da Ipar Euskal Herrira eta bertan 166 kilometro egin go ditu igande goizaldera bitartean. Udalbiltzak eraman du muga lekukoa muga gainditzerakoan eta handik Baigorri eta Donibane Garazirantza abiatu da Korrika.
Giro bikaina izan da Donibane Garazin. Izan ere, jende piloa atera baita euskararen aldeko lasterketan parte hartzera eta oso hunkigarria izan da.
Goizean goiz ere animazio bikaina izan da Orregana eta Ibañetan. Berriozar, Atarrabia edo Astigarragatik heldutako elkarte ezberdinek lekukoa eraman dute eta ume andana ikusi ahal izan da. Umore puntua gaupasero kuadrila batek jarri du, estalaktitekin egindako lekukoekin aritu baitira korrika.
Arratsaldeko 17.00ak aldera Mauletik igaro da lasterketa eta Euskal Herriko Laborantza Ganbara, Oztibarreko ikastola eta beste hainbat elkarte izan dira lekukoa eramango dutenak.
Iluntzean Donapaleurantz joango da eta Lapurdiko herri askotan jaiak antolatu dira Korrikari ongi etorria emateko. Hazparne, Itsasu, Kanbo edo Ezpeletan esaterako.
Igande goizean Korrika berriro sartuko da Nafarroan Bortzirietatik.
Imputan a tres concejales del PNV de Getxo y tres técnicos por el derribo del palacete
Tortura jasan eta ozen salatu zuen Susana Atxaerandio gasteiztarra zendu da
Euskal Estatuaren oinarriak jartzeari ekin dio Sortuk, egitekoa eta zuzendaritza eraberrituz
Más de 100.000 vascos han dejado por escrito cómo quieren que sea el final de sus vidas
