Atzokoan Araba, Bizkaia eta Gipuzkoan barrena ibili zen Korrika lur bizkaitarrak zeharkatuko ditu ostegun honetan.

Goizeko 9.00ak aldera, Ubidetik sartuko da Bizkaiara, eta Arratian zehar arituko da euskara ematen. Zornotza pasata, Txorierrirako bideari ekingo dio eta, hala, arratsaldeko 17.30 inguruan espero da euskararen aldeko lasterketa Bizkaiko hiriburura heltzea.

Bilboko kaleetan lau ordu eta erdi emango ditu Korrikak, eta esku askotatik pasako da lekukoa: Herrira, EAJ, CCOO, Bilboko Metroa...