Maxim Belkov, Katusha taldeko errusiarrak, irabazi du Italiako Giroko 9. etapan. Belkov bakarrik iritsi da helmugara eguneko ihesaldian sartu eta azken kilometroetan aurrera egitea lortu baitu. Carlos Alberto Bentacur (Ag2r) kolonbiarra bigarrena izan da 44 segundora; eta Jarlinson Pantano hirugarren, 46 segundora.
Vincenzo Nibali liderraren taldea minutu eta hiru segundoko atzerapenarekin iritsi da. Euriak asko gogortu du lasterketa eta mendi ertaineko etapa izanik arazoak izan dituzte txirrindulariek.
Hesjedalek minutu bat galdu du eta Wigginsek asko sufritu du, baina azkenean NIbalirekin helmugaratzea lortu du. Gaurko etaparen ondoren, Nibaliren atzetik Cadel Evans (BMC) dago bigarren tokian 29 segundora eta Robert Gesink (Blanco) minutu eta 15 segundora. Bradley Wiggins laugarren tokian dago minutu eta 16 segundora.
Ester Muñoz, desde Madrid al rescate de la alicaída txosna del PP en Bilbo
La huelga de técnicos condiciona una Aste Nagusia modificada para salvar el concierto de ETS
Tres hospitalizados y más de 40 heridos al explotar los cohetes de fiestas de Noain
Las autoridades de Nepal y Tíbet elevan a 1.400 las personas desaparecidas por la inmensa riada
