Gipuzkoako Foru Aldundiko Funtzio Publikoko foru-diputatu den Garbiñe Errekondo eta Berrikuntzako Jon Peli Uriguren Eibarren izan dira gaur eguerdian Alfa enpresaren egoeraren berri izateko bertatik bertara.

Ondorengo prentsa ohar batean adierazi dutenez, lantegiko jabeekin hitz egin dutela azaldu dute eta, euren atsekabea adierazteaz gain, beharginei elkartasuna adierazi diete.

Uriguenen enpresak bizi duen «egoera larria» aipatu du, hartzekodunen konkurtsoan dagoela gogoratuz, eta egoeraren jarraipen bat egiteko bere prestutasuna adierazi du.

Errekondok, bere aldetik, suhiltzaileek egoera kontrolatzeko orduan izan duten «azkartasuna» goraipatu du.