Iragan maiatzaren 17an Ministroen Kontseiluak onartutako Wert erreforma delakoak gaur jaso du Kongresuaren oniritzia. Aldeko 182 boto, aurkako 137 eta bi abstentzio izan dira.
PPren babesa besterik ez du jaso LOMCE legeak baina gehiengo absolutua duenez, aurrera atera da. UPN azkenean abstenitu egin da, eta Foro Asturias ere bai. Gainontzeko alderdi guztiek erreformaren aurka bozkatu dute.
Erreforma proiektuari aurkeztutako zazpiehundik gora zuzenketa partzialak ere atzera bota ditu PPk. Testua, orain, Senatura igorriko dute.
Jose Ignacio Wert Hezkuntza ministroa pozik agertu da bozketaren ondoren.
Hezkuntza komunitatean kezka handia eragin du erreforma honek, besteak beste gaztelera irakasteko hizkuntza nagusia izatea ezarriko duelako eta Madrilgo Gobernuari edukien gainean erabakitzeko ahalmen handiagoa emango diolako.
Hezkuntza erreformari ezezkoa adierazteko, eragile ugarik manifestazioa egingo dute Bilbon, urriaren 12an, 17.30ean.
La Ertzaintza desahucia con extrema violencia a una familia con seis menores en Gasteiz
Astelehenean Bilbon Vito Quilesen agerraldiaren aurka mobilizatzera deitu dute
Exkixu eszenatokietara bueltatuko da, 2027ko apirilean, Gatibu eta Ken Zazpiko musikarien eskuz
Ansola tiró de consultora y descartó a Bengoetxea para Bilbo porque «no ilusiona»
