Berri-Otxoak plataformak Alfonso Garcia Barakaldoko alkatearen etxe aurrera joan da, murrizketen aurkako protesta egitera, irailean egindako eskaera batean zehazten zen moduan.

Hara iritsitakoan, Ertzaintzak esan die ez zeukatela baimenik bertan elkarretaratzea egiteko eta, azaldu dutenez, lagun bat identifikatu dute.

Ondoren, Udaletxe aurrera joan dira, eta bertan burutu dute protesta.

Berri-Otxoak plataformak salatu du Barakaldon ia 10.000 lagun daudela langabezian, eta horien %60ak ez duela inolako laguntzarik jasotzen.

Zentzu horretan, Udalak ematen dituen laguntzak %50-%70 jaitsi direla arbuiatu dute. Udalak diru bera jartzen duelako, eskaerek gora egiten duten bitartean.