Enplegu Ministerio espainolak emandako datuen arabera, Hego Euskal Herrian 229.189 pertsona zeuden lanik gabe urriaren bukaeran, aurreko hilabetean baino 2.296 gehiago.
Langabeziak herrialde guztietan egin du gora. Gipuzkoan izan da hazkunderik handiena portzentualki (+%1,46). Guztira 49.874 langabe daude herrialde horretan.
Nafarroan igoera %1,02koa izan da. Irailean baino 515 langabe gehiago zenbatu dituzte enplegu bulegoetan, guztira 50.922.
Bizkaian %0,99 hazi da langabezia aurreko hilabetearekin alderatuta. 100.083 pertsona daude egoera horretan, irailean baino 980 gehiago.
Arabak izan du igoerarik apalena, %0,29koa. 28.310 langabe daude, irailean baino 82 gehiago.
Urte arteko eboluzioari erreparatuta, langabezia hazi egin da Araban (%7,49), Bizkaian (%5,90) eta Gipuzkoan (%5,59) azken hamabi hilabeteetan. Nafarroan, aldiz, behera egin du zertxobait (-%0,14).
Jon Sarasua: «Marko ideologiko jakina dago txapelketan, eta pobrea»
‘Cadena perpetua’ cumple treinta años: siempre nos quedará Zihuatanejo
El PNV solo mantuvo su dominio entre votantes de más de 60 años
José Mujica anuncia que padece un tumor de difícil tratamiento
