Abenduan 218.862 langabe zeuden Hego Euskal Herriko enplegu bulegoetan izena emanda, Enplegu Ministerio espainolak gaur eman dituen datuen arabera.
Daturik onenak Gipuzkoan eman dira, %5,28 jaitsi baita langabezia abenduan (2.596 lagun), aurreko hilabetearekin alderatuta.
Bizkaian, jaitsiera %3,92koa izan da (3.834 langabe gutxiago).
Araban, aldiz, langabezia tasak %3,24 egin du behera (896 pertsona).
Nafarroan baino ez du egin gora, eta 210 langabe gehiago dago (%0,41).
Hortaz, 2.165 langabe gutxiagorekin bukatu da urtea Hego Euskal Herrian.
EAEn, 1.709 langabe gutxiago daude 2012ko datuekin alderatuta (%1,01 gutxiago), eta Nafarroan 456 langabe gutxiago (%0,88 gutxiago).
Estatu mailan, abenduan %2,2 egin du behera langabeziak (107.570 langabe gutxiago) eta, hortaz, %3ko jaitsierarekin itxi da 2013. urtea (147.385 lagun).
Los procesos de selección de personal en el sector público foral de Bizkaia, en entredicho
Puede que Josu Jon Imaz no sea de Vox, pero Abascal sí es de Repsol
Las futbolistas palestinas meten todo un gol a Israel
