Eguraldia lagun, jai giroan ospatu dute getariarrek eta bisitan joandakoek San Anton eguna, aurtengo txakolina aurkezteko aitzakia eman duena.

Orotara, 29 upategitako 2.000 botila inguru eraman dituzte Getariara.

Esan dutenez, eguraldia dela-eta, ekoizpena urriagoa izan da, baina txakolinak betiko ezaugarriei eutsi die.

Amets Arzallus bertsolariak Mahasti Jauna oroigarria jaso du.

Lakuako eta Gipuzkoako Aldundiko ordezkariak, besteak beste, presente egon dira aurtengo txakolinaren aurkezpenean.