Baskoniak oso erraz gainditu du sailkapenean bere aurkari zuzena den Cajasol taldea Gasteizen (101-65). Arabarrek egurra eman diete andaluziarrei eta zazpigarren postua bereganatu dute.

Gasteizen poza izan bada nagusi, Bilbon oso ezberdina da egoera. Real Madrilek irabazi egin du Miribillan (73-87) eta pasilloa egin die partida bukaeran etxeko jokalariei astelehenean abiatuko duten greba orokorra dela-eta.

Gipuzkoa Basketek berriz, ezer gutxi egin ahal izan du Bartzelonaren aurka (75-86). Nahiz eta Jason Robinsonek partida bikaina egin (36 puntu) gipuzkoarrek lehenengo laurdenean eman dute maila soilik.