Europa Press agentziak zabaldu duenez, 21 urteko gazte bat atxilotu dute bart 21.00etan Bilbon, martxoaren 3an egin zen Global Forum Spain bilkura zela-eta izan ziren istiluekin zerikusia dutelakoan. Datozen orduotan epailearen esku utziko dutela dio agentzia horrek.
Martxoaren 3ko istiluen harira beste bi pertsona atxilotu zituen atzo Ertzaintzak: adin txikiko bat Donostian, eta Iñigo Fernandez de Martikorena kazetaria Getxon.
Ukberri.net agerkariak dioenez, Fernandez de Martikorena atzo gauean eraman zuten Bilboko epaitegira, baina han 10. epaitegiko epaileak esan omen zien ertzainei bera ez zela eskudun; eskudun delako atxiloketa izan den tokitik Guardiako epaitegirik hurbilena edo bestela gaia ezagutzen duena, hau da, Bilboko 8. epaitegia. Azken horretan atxilotuaren abokatuari esan zioten ez zekitela ezer atxiloketa horretaz eta ez ziotela deklaraziorik hartuko.
Iñigo Santxo abokatuaren arabera, aukera legal bakarra da Getxoko Guardiako epaitegira eramatea.
Atxiloketa salatzeko gaur 20.00etan elkarretaratzea egingo dute Santa Eugenia plazan.
Zupiria y ertzainas han podido hacer un uso ilegal de las grabaciones de bodycams en Loiu
La Polla Records: Reeditando mensajes necesarios de una banda imprescindible
Maya pide «prudencia y respeto» tras hacerse públicas las denuncias por agresiones sexistas
Errenteriako alkateak «biktimak eta haien nahia» babestera deitu du Xenpelar eta Maya auzietan
