Alavesek burua altxa ezinik jarraitzen du eta merezitako porrota jaso du Tenerifen (2-0). Partida lehen zatian geratu da erabakita. Etxeko taldeak bi gol egin ditu ordu erdia betetzear zegoenean eta Alavesek ez du erantzuteko gaitasunik erakutsi.

Gastieztarrak gol gehiago jasotzeko zorian izan dira, baina Tenerifek ez du asmatu. Alavesek itxura kaskarra eman du eta maila eusteko borrokan gero eta etorkizun ilunagoa dauka.