Ekainaren 8an Durango eta Iruñea lotuko dituen giza kateari begira ekimen andana antolatu dituzte asteburu osoan zehar. Gaur eguerdian Donostian esaterako, giza kate erraldoi bat burutu dute Antiguatik, Bilbao Plazatik eta Saguesetik zutabe bana abiatu da 12.30ean elkarri eskutik helduta eta ordu erdi beranduago Bulebarrean eman diote amaiera ekimenari denak batera.
Donostiakoaz gain jendetza batu da Errenterian eguerdian ‘Dantza zati bat’ ekimenean, ehunka herritar dantzan jarri dituzte erabakitzeko eskubidearen alde. Mungian ere ekimen bera antolatu dute larunbat honetarako.
Esangura politiko handiko argazkia Azpeitian atera dute gaur azken hamarkadetan Udalean hautetsi izan direnek. Luxiano Lazkano, Jose Maria Bastida, Julian Eizmendi eta Iñaki Errazkin alkate ohiak eta Eneko Etxeberria egungo alkatea elkarrekin izan dira dinamikaren prentsa agerraldian.
Asteburu osoan dozenaka ekimen izango da batean eta bestean eta tartean dinamikaren bideoklip nagusian oinarritutako bertsio berriak ere ari dira aurkezten. Azkena, bart, Erandion aurkeztu dute:
Los artistas se posicionan de diferente modo ante la huelga de técnicos en Gasteiz
El jefe de Policía de Santurtzi se marcha, con la muerte de Ander y la OPE aún sin aclarar
El párroco de Uharte reclama una respuesta militar en Ceuta y llama a «reconquistar Marruecos»
Investigan la muerte de un hombre en Lizarra tras una llamada alertando de violencia machista
