Langabeziak beheranzko joera izaten jarraitu du uztailean, nahiz eta jaitsiera hori oso eskasa izan den. Orotara 731 lagunek aurkitu dute lana iragan hilabetean. Guztira 214.140 langabe dago Hego Euskal Herrian.
Langabe gehienak Bizkaian aurkitzen dira (94.007) eta bertan izan da, baita ere, jaitsiera portzentairik handiena. Uztailean %0,53 jaitsi da langabezia uztailean ekaineko datuekin alderatuta. Araban 27.288 lagun daude lanik gabe, Gipuzkoan 46.098 eta Nafarroan 46.474.
Iazko urteko datuekin konparatuz gero, nabarmena da Nafarroan eta Gipuzkoan langabeziak izan duen beherakada. Nafarroan %8,30 langabe gutxiago dago urtebeteko epean eta Gipuzkoan, %3,39. Bizkaian %2,36 jaitsi da tasa urtebetean eta Araban, %1,12.