Ekonomiaren Garapen eta Lehiakortasun Sailak ezarritako lehentasunezko helburuak lortzeko «modu irmoan» aurrera egin duela adierazi du Lakuako Gobernuak, alegia, lehen sektorearen «lehiakortasuna eta profesionaltasuna» eta landa eta itsasertzeko «bizi kalitatearen hobekuntza eta modernizazioa lortzeko».

Programa horien baitan garatutako jarduera eta ekintzak Lakuak eta EAEko lehen sektoreko eragileek elkarrekin bultzatutako «Nirea akordioa» ekimenaren barruan daude. Horrekin lotuta, Gobernu autonomikoak «lehen sektoreko pertsonekiko eta Euskadiko landa eta itsasertzeko inguruneko biztanleekiko duen konpromisoa» berretsi du.

Ildo horretan, zortzi programa jarriko ditu abian, 28 milioi euro baino gehiagoko aurrekontuarekin.