Azken kilometroan eraso eginda, bakarrik helmugaratu da Alberto Contador hamaseigarren etapan (San Martin del Rey Aurelio - La Farrapona, 160,5 km).

Chris Froomek ezin izan dio madrildarraren erasoari eutsi eta 14 segundura bukatu du etapa. Ondoren helmugaratu dira De Marchi italiarra, 48 segundura; Valverde, 53ra eta ‘Purito’ Rodriguez, 57ra. 

Gauzak horrela, Contadorrek sendotu egin du lidergoa. Valverde da bigarren, minutu bat eta 36 segundura eta Froome, minutu eta 39 segundura, sailkapen nagusiaren hirugarren postuan da.

Galizian sartu aurretik, asteartean atseden eguna izango dute txirrindulariek.

Vueltari buruzko NAIZen webgune bereziak itzuliari buruzko informazio zabala eskaintzen du.