Derbia Athleticentzat izan da eta txanponaren bi muturrak dira ondorio. Zurigorriak lidergoan sendo, hirutik hiru partida irabazita, txuri-urdinak sailkapenaren atzealdean, puntu bakar bat ere lortu gabe.

Lehen minutuetatik indartsu hasi dira zurigorriak eta 9. minutuan egin dute lehen gola, Irune Muruaren eskutik. Ez dute etsi donostiarrek eta 27. minutuan Nahikari Garciak lortu du txuri-urdinen berdinketa, Ainhoa Vicenteren jokaldi on baten ostean.

Atsedenaldira berdinketarekin iritsi dira baina Lezaman, liderraren etxean, geratu dira azkenean hiru puntuak, Arrate Oruetak penaltiz 2-1ekoa egin ostean.