Erriberrin egin dute 2015eko Binanako Txapelketaren aurkezpena eta han eman dute lehiatuko diren zortzi bikoteen berri eta azaldu egin dute zein izango den lehiaketaren sistema eta egutegia.

Honakoak dira bikoteak:

Aspe: Irujo-Barriola, Xala-Merino II.a, Retegi Bi-Rezusta eta Ezkurdia-Zabaleta. 

Asegarce: Olaizola II.a-Beroiz, Bengoetxea VI.a-Aretxabaleta, Berasaluze II.a-Zubieta (Aspek utzita) eta Artola-Albisu.

Finala apirilaren 26an jokatuko da, eta aurretik bi ligaxka izango dira. Ostiral honetan jokatuko da aurreneko partida, Donostian Bengoetxea-VI.ak eta Aretxabaletak osatzen duten bikotea eta Artola eta Albisuren artekoa aurrez aurre izango dituena.