Bilbao Orkestra Sinfonikoak (BOS) ekainaren 25ean eta 26an Bilboko Arriaga antzokian izanen da, «Bond and Beyond: 007 agentearen 50 urte» izenburupean kontzertua eskainiz. 007 agente ospetsuaren filmen soinu banden musika aukeraketa bat izango da, 50 urte baino gehiago dituen filmografia erakutsiz.
Errepertorioak 007 agentea protagonista duten klasikoen musika lanak jasoko ditu, hala nola ‘Goldfinger’ edo ‘From Russia with Love’, baita duela denbora gutxiago egindako ‘Casino Royale’ edo ‘Skyfall’ filmetako abestiak ere. Halaber, ez da faltako ‘James Bond Theme’ mitikoa, pertsonaiaren melodia ezagunena.
BOSek errepertorio horretako bi espezialista izango ditu kontzertuetan. Alde batetik, AEBetako orkestra handienetako batzuetako pops zuzendaria den Michael Krajewskik maisua izango da. Era berean, Broadway eszenako artista den Debbie Gravitte abeslaria izango da abestiei ahotsa jarriko diena.
James Bond omentzeaz gain, BOSek beste agente sekretu ezagunak protagonista diren beste film batzuren soinu banden melodia ezagunenak ere interpretatuko ditu, hala nola ‘Dick Tracy’, ‘Austin Powers’, ‘Pink Panther’, ‘Mission: Imposible’ edo ‘Secret Agent Man’.
El actor Sambou Diaby, expulsado de un bar de Bilbo acusado de mantero: «Aquí no puedes vender»
La exposición temprana a pantallas se relaciona con cambios cerebrales en la adolescencia
Preparándose para confirmar en las urnas la anomalía vasca
Muere un joven motorista de 24 años en un accidente de tráfico en Hernani
