Lizarran jaso du Josu Chuecak Manuel de Irujo saria, Euskal Herriko historia eta kultura berreskuratzeko egin duen lanaren aitortza gisa.

Nafarroako Gobernuko Hezkuntza kontseilari Jose Luis Mendoza, Lizarrako alkate Koldo Leooz, Lakuako Gobernuko bozeramaile Josu Erkoreka eta EAJko presidente Andoni Ortuzar izan dira ekitaldian, besteak beste.

Irujo Etxean ohorezko liburua sinatu ondoren, aurreskua egin diote Chuecari eta ondoren saria jaso du Jurramendiko Mankomunitatearen egoitzan. Koldo Viñuales presidenteak Chuecaren askatasunaren aldeko konpromisoa nabarmendu du.