Joseba Ezkurdiak eta Julen Retegik partida handia eskeini dute Iruñeko Labriten, baina sakandarra nagusitu da. Hasiera-hasieratik kolpe handia erakutsi du eta defentsa erakustea egokitu zaionean, defentsa bikaina azaleratu du. Retegik ere partida txukuna osatu du, baina aurkari handia izan du parean gaurkoan.

Kolpe handia erakutsi du eskuin eskuaz eta prestaketa egokia egin duela argi utzi. Lehen aldiz iritsi da final laurdenetara, nahiz eta aurreko urteetan gerora finalerako sailkatu diren pilotariek utzi duten kanpoan.

Hurrengo kanporaketan partida gogorra aurreikusten da, Mikel Urrutikoetxea izango du aurkari-eta. Egungo txapelduna eta joko puntu ederrean dagoen Ezkurdia finalerdietarako txartelaren bila ariko dira.