San Juango trainerua izan da nagusi gaur Bibon jokatu den Gipuzkoako Emakumezkoen VII Traineru Ligako 4. jardunaldian. Lehen ziabogako denborei begiratuta estu izan dira San Juan bera, bigarren egin duen Hibaika eta Orio. Hibaikak 2. luzean ere eutsi dio eta azkenean segundo bat baino gutxiagoko aldeagatik soilik lortu du San Juanek gailentzea.

Orioren kasuan 2. luzean arazoak izan dituzte eta lehen itzuliko tarte estu hori galdu egin dute, zazpi segundo galtzeraino. 

Koska bat atzerago 4. postuan Arraun Lagunak donostiarrak izan dira, 4. Deustu, Getaria-Zarautz gero eta Hernani. Azken bi postuetan Clindres eta Hondarribia sailkatu dira.