Goizeko 11.00ak aldera, Zarautzen eman du bere botoa Elkarrekin Podemosen lehendakarigai den Pili Zabalak. Bertam, adierazi du «ohorea» izan dela berarentzako aipatu alderdiko zerrendaburua izatea.

Botoa eman ostean, eta hedabideei eginiko adierazpenetan, herritarrak botoa ematera animatu ditu Zabalak, hauteskunde egun batean garrantzitsuena botoa ematea dela gaineratuz. Hori horrela, «guztiok nahi dugun Euskadi» eraikitzeko deia luzatu du.

Emaitza onak espero dituela ere gaineratu du: «Beti izan behar da esperantza, eta emaitza onak espero ditugu».