Eric Morvan Pirinio Atlantikoetako prefetak elkargo berriaren Kontseilu Komunitarioa nola osatuko den zehazten duen dekretua plazaratu du gaur. Horren arabera, 233 eserleku izango ditu erakunde berriak; herri bakoitzari dagokion ordezkari kopurua ere banatu du, lurralde kolektibitateen kodigoan eta 2015eko erroldan oinarrituta.
Horrenbestez, 2015ean egin ziren lehen estimazioak aldatu egin dira. Oro har, udalerriek oraingo kontseilari kopuruari eutsiko diote. 23 udalerrik eserlekuak galduko dituzte eta beste batzuek irabazi. Azken hori da Baiona, Angelu eta Biarritzen kasua, esaterako. Lapurdiko hiriburua 11 kontseilaritik 22 izatera pasako da; Angeluk bikoiztu egingo ditu ordezkariak –9tik 18ra– eta Biarritzek 11 izango ditu, lau gehiago.
Hendaiak zazpi kontseilari izango ditu; Donibane Lohizunek, sei; Urruñak, lau; Bokalek, Ziburuk, Kanbok eta Bidartek, hiruna; eta Uztaritzek, Hazparnek, Senperek, Mugerrek eta Hiriburuk, bina ordezkari.
Gainontzeko herriek kontseilari bana izango dute elkargo berrian.
EH Bildu Gasteiz censura el uso de 2 millones de euros públicos en beneficio de El Corte Inglés
El «lawfare» contra su pareja abate a Sánchez, que se toma unos días para decidir qué hacer
Fermin Muguruzak «hasiko naiz pentsatzen 2025erako zerbait» esan du, bi ‘sold out’-en ostean
Los ingredientes para un «lawfare»
