19:30ak aldera Luhuson ostiralean atxilotuetako bostetaik azkena iritsi da Baionako tren geltokira. Txetx Etxeberrik bertan jaso du lagun eta senideen harrera beroa. Bertan adierazi duenez, gertatutakoak «garai berriak» irekitzen ditu.

Berarekin atxilotutako lauei besarkada bana helarazi nahi izan die eta aske baldin badaude kalean izan den mobilizazioagatik dela azpimarratu nahi izan du. «Zerbait berezia gertatu dela sentitu dugu. Zerbait mugitu da gure herrian zuen lana eta engaiamenduari esker», gehitu du.