Sare sozialetan zabaldu duen ohar baten bitartez, Trek-Segafredo taldeak jakinarazi du Andre Cardoso txirrindulari portugaldarrak kontrol batean positibo eman duela. Trek-Segafredok dopinarekiko «zero tolerantzia» jarrera daukala adierazi ondoren, «berehala» taldetik kanpo utzi dutela adierazi dute.
Txirrindularitzaren Nazioarteko Batasunak (UCI), ohar batean, azaldu du lehiaketatik kanpo kontrola egin ziotela ekainaren 18an eta EPO substantziarekin positibo eman duela. Kontranalisirako eskubidea dauka Cardosok.
Ondoren iragarri du Trek-Segafredok Haimar Zubeldiak hartuko duela portugaldarraren tokia larunbatean Düsseldorfetik (Alemania) hastekoa den Tourraren 103. edizioan. Usurbildarraren hamaseigarren Tourra izango da.
Alberto Contador buru izango duen bederatzikoan, Markel Irizar ondoan izango du Zubeldiak. Honakoek osatuko dute taldea: John Degenkolb alemaniarra, Koen de Kort eta Bauke Molema nederlandarrak, Fabio Felline italiarra, Michal Gogl austriarra eta Jarlinson Pantano kolonbiarra.
Haimar Zubeldiarekin, beraz, zortzi izango dira Tourrean lehiatuko diren euskal txirrindulariak, han izango baitira lehen aipatutako Markel Irizar, Ion Izagirre, Mikel Landa, Mikel Nieve, Imanol Erviti, Jonathan Castroviejo eta Romain Sicard.
La torre de Disney en Gaubea que ha molestado a los escaladores
Detenido en Gipuzkoa un menor considerado referente de la extremista Red 764
Aires de reconquista rojigualda con motas de insumisión parda
Al menos 90 fallecidos en la frontera de Ceuta, que Sánchez atribuye a «las mafias»
