Gaindegiak prentsa ohar batean adierazi duenez, Euskal Herrian azken hiruhilekoan langabezia tasa jaitsi egin da. Behategi sozioekonomikoaren arabera, INEk Hego EHko langabezia tasa %8,3an kokatu du eta Eustatek %8,95ean. Denboran hamarkada bat atzera egin behar da maila horretako langabezia topatzeko.
Era berean, Ipar Euskal Herrian langabeziak gora egin du azken hiruhilekoan, %0,08a, Gaindegiaren datu propioen arabera.
Bizkaian kokatzen da Euskal Herriko lurraldeen arteko langabezia tasa altuena (%9,74), Ipar Euskal Herriak eta Gipuzkoak tasa apalena dutelarik. Halaber, Euskal Herriko langabezia tasak EB-28koa baino bi puntu handiagoa izaten jarraitzen du (INE).