Alex Txikonek eta bere taldekideen azken eguna da Manasluko oinarrizko kanpalekuan. «Egoera bideraezina» dela nabarmendu du lemoarrak eta «hemen egiteko ezer gutxi» dagoela onartu du Instagram bidez zabalduriko bideoan.
«Negu gogorra izaten ari da, bi egun eguzkitxu eta beste bi egunetan elur pila bat egiten ari da», azaldu du eta eta horrek energia pila bat xurgatu diela. «Oso nekatuta» daudela gaineratu du, batzuk baikorrago eta beste batzuk ezkorrago dauden bitartean.
Hilaren 16an elurtea iragarrita dagoela aurreratu du eta ondoren, haizete bortitzak ere iritsiko direla. Hala, Iñaki Alvarez mendizale gipuzkoarrak gaineratu legez, «hoberena» aurtengo proiektua bertan behera uztea da, «lehentasuna guztiok osasuntsu jaistea delako, lagun bezala jaistea; azken lekuan uzten dugu tontorra».
Ver esta publicación en Instagram
Beraiek pixka bat gehiago itxarongo dute oinarrizko kanpalekuan baina bihar beherantz egiteko asmoa daukatela nabarmendu da Alex Txikon eta bere taldekideek helarazitako mezuan.
Espedizioa abenduan iritsi zen Manaslu inguruetara, neguan tontorra erasotzeko helburuarekin. Iaz 7.000 metro ingurura iritsi ziren baina azkenean ezin izan zuten azken helburua lortu. Aurten lehenago joan zen Manasluko oinarrizko kanpalekura, guztia lasaixeago egin asmoz, baina are zailtasun gehiagorekin topatu dira.
Osakidetza anuncia un paquete de medidas para agilizar la Atención Primaria
Expectación tras hallarse un planeta similar en tamaño y órbita a la Tierra
Muguruza, Rosalía, Guardiola, Amaia, Llach... en un gran festival por Palestina en Barcelona
Pradales también rubricó el PGOU de Zaldibar por el que se imputa a la exalcaldesa de EH Bildu
