Durangoko merkatuak ateak ireki ditu berriro, hainbat hilabeteko berrikuntza lanen ondoren. Larunbat eguerdi honetan izan da inaugurazio ekitaldia eta zuzeneko musikak girotuta, produktuen dastaketa eskaini dute. Mireia Elkoroiribe alkatea han izan da.
Gure #merkatua, bizi-bizi berriz ere!
— Durangoko Udala (@DurangokoUdala) November 8, 2025
Zatoz eta gozatu gureaz, #DurangokoMerkatuz-z!#Durango #zurekin #contigo pic.twitter.com/ByStJyWKFl
Udalak azaldu duenez, berrikuntza lanei esker merkatuaren egitura egokitu da eta zerbitzuak eguneratu dira, «gune komertzial dinamikoago, irisgarriago eta herritarrengandik hurbilago bat sortuz».
Azaroaren 3tik aurrera martxan egon da merkatu berritua, baina bost postu oraindik hutsik daude, arraindegi baterako bat, elikadurari lotutako beste lau eta postu gehigarri bat, hain zuzen. Horiek betetzeko, hilaren 24ra arte eskerak aurkezteko epea ireki du Durangoko Udalak eta zehaztu dute webgune ofizialeko Kontratatzailearen Profilaren bidez bete daitezkeela eskabideak.
Postu gehigarria «tokiko merkataritzarekin edo merkatuarekin berarekin lotutako dinamizazio edo prestakuntza proiektuetarako» gordeta dago, Udalak jakitera eman duenez. Postu hauen eskaintzaren helburua «eskaintza komertziala zabaltzea da, gaur egungo herritarren beharretara egokitzen diren proposamen berriak txertatuz».
Lateralidad, un tema desconocido pero crucial en el aprendizaje de las niñas y niños
El obispo de Gasteiz sobre las víctimas del 3 de Marzo: «Hay tensión, son de cáscara amarga»
Herri Norte rechaza las agresiones sexuales e instituciones piden que se aclaren los hechos
La "Y vasca" acumula 2.200 millones de sobrecostes y 20 años de retraso
